La SRG SSR è independenta, nunpartischanta e mussa ils fatgs: Ella è obligada da rapportar en ina moda objectiva che represchenta la diversitad da las opiniuns. Cun infurmaziuns che sa basan sin fatgs po in e scadina furmar si’atgna opiniun ed uschia era rinforzar la democrazia.
...segireschas ti l’independenza
Il cuntegn schurnalistic è equilibrà e serius.
Sco chasa da medias publica ha la SRG SSR l’incumbensa da rapportar a moda independenta ed equilibrada. Ella n’è suttamessa a nagins interess economics u politics – perquai è la SRG SSR ina funtauna particularmain fidabla per sa furmar in’opiniun.
...garanteschas ti la credibladad
Fake news na survegnan nagina tribuna.
Dischinfurmaziun e fake news pericliteschan adina dapli la democrazia. Perquai gioga la SRG SSR ina rolla impurtanta sco funtauna d’infurmaziun independenta e fidabla per la furmaziun da l’opiniun politica. La SRG SSR s’oblighescha da verifitgar ils fatgs per pudair scuvrir fake news.
...salvas ti RTR
La chasa da medias rumantscha exista vinavant.
La lingua rumantscha perdess visibilitad e relevanza. Ina fitg gronda part da la purschida actuala vegniss stritgada. Las consequenzas fissan fatalas: Ina lingua ch’ins na vesa, n’auda e na legia betg pli svanescha plaun a plaun. Ils biros regiunals en las valladas rumantschas stuessan serrar e la sedia a Cuira vegniss reducida massivamain, u forsa schizunt serrada.
...rinforzas ti lingua e cultura
RTR promova il rumantsch di per di.
RTR è la suletta chasa da medias rumantscha audiovisuala e fa uschia punts tranter las regiuns, ils idioms ed ils umans. Era la scena da chors e da musica patiss. RTR promova quellas fermamain dapi blers onns cun registrar ed arcunar musica rumantscha. En l’avegnir na dessi betg pli tantas registraziuns ed i giessan a perder tradiziun ed istorgia rumantscha.
Chanzun
Nossa historia
Text e musica da Mario Pacchioli
«Il mund romontsch dovra archivs vivs. La SRG SSR conserva nossa cultura, fa accessibla ella e mira che musica e film dad ier, oz e damaun queschien buc.»
Mario Pacchioli (musicist ed actur)
Grazia, Mario, che ti has pachetà per nus tes messadi impurtant en la chanzun «Nossa historia». Grondius!
concerts scola da cant Surselva: Mund sutsu Uras: 17:00 Lieu: Trun, Center communal Tge: naven dallas 19:00 après-concert cun Alexi e Marcus ella Sala da Cultura
suentermezdi dedicau a Tumasch e Benedikt Dolf Uras: 15:00 Lieu: Donat, chasa da scola Tge: Concert dal Cor maschado Donat a danturn, chant avert, tocs da clavazin e film. Suenter l’occurrenza: ustaria. Entrada libra. Collecta.
